پشاور (آئی این پی) پاکستان تحریک انصاف کی پارٹی قیادت نے پرویز خٹک کو وزیراعلیٰ کی دوڑ سے باہر کرتے ہوئے قومی اسمبلی میں رکھنے کا فیصلہ کرلیا۔ جمعہ کو نجی ٹی وی کے مطابق پرویز خٹک کو وزیراعلیٰ کی دوڑ سے باہر کرتے ہوئے قومی اسمبلی میں رکھنے کا فیصلہ کیا گیا ہے۔ پارٹی قیادت نے پرویز خٹک‘ اسد قیصر‘ حید رعلی اور علی امین گنڈا پور کو قومی اسمبلی میں رکھنے کا فیصلہ کیا۔
پی ٹی آئی قیادت کا یہ فیصلہ ہے کہ وہ اپنی اعلیٰ اکثریت کو قومی اسمبلی میں برقرار رکھے پرویز خٹک خود تو وزیراعلیٰ کی دوڑ سے باہر ہوگئے لیکن اب وزیراعلیٰ کے لئے اپنے بندے لانے کے لئے بنی گالہ میں روابط شروع کردیئے ہیں۔ وزیراعلیٰ کے پی کے سب سے اہم نام عاطف خان کا ہی ہے لیکن کچھ اور نمائندوں کے نام آنا شروع ہوگئے ہیں۔
