کوہاٹ(این این آئی) الیکشن کمیشن آف پاکستان نے اپنے تمام ملازمین کو عیدالاضحی کے خصوصی موقع پر فکسڈ35 ہزار روپے کے حساب سے ہر ملازم کو اعزازیہ دینے کا اعلان کیا ہے۔گزشتہ روز جاری ایک نوٹیفیکیشن کے مطابق تمام چاروں صوبائی الیکشن کمشنروں سے کہا گیا ہے کہ وہ فوری طورپر فکسڈ 35 ہزار روپے فی کس کی شرح سے حساب کرکے ہیڈکوارٹر؍ فیلڈ آرگنائزیشن کے تمام ملازمین کی تفصیل مزیدکاروائی کے لئے

الیکشن کمیشن آ ف پاکستان کے مرکزی دفتر بھیج دیں ۔ اس ضمن میں صوبائی الیکشن کمشنروں نے اْن کے ماتحت الیکشن کمیشن کے تمام متعلقہ علاقائی اور ضلعی دفاتر کو آگاہ کرکے ملازمین کی تفصیل مع حساب طلب کی ہے۔ الیکشن کمیشن آف پاکستان کے زیرانتظام چاروں صوبوں میں صوبائی الیکشن کمیشن کے علاوہ ڈویژنل سطح پر ریجنل الیکشن کمیشن اور ضلعی سطح پر ڈسٹرکٹ الیکشن کمیشن قائم ہیں جن میں سینکڑوںملازمین اپنی خدمات سرانجام دے رہے ہیں۔