اسلام آباد(آئی این پی ) تحریک انصاف نے جمہوری وطن پارٹی کے سربراہ شاہ زین بگٹی سے بھی رابطہ کر لیا ، وفاق اور بلوچستان میں مشترکہ حکومت سازی کی دعوت دے دی ۔ نجی ٹی وی کے مطابق تحریک انصاف کے رہنما جہانگیر ترین نے جمعرات کو سربراہ جمہوری وطن پارٹی شاہ زین بگٹی سے رابطہ کیا ۔ دونوں رہنماؤں کے

درمیان وفاق اور بلوچستان میں مشترکہ حکومت سازی کے معاملات پر گفتگو کی گئی ۔ ٹیلیفونک گفتگو کے دوران جہانگیر ترین نے شاہ زین بگٹی کو وفاق اور بلوچستان میں تحریک انصاف کے ساتھ مل کر حکومت کا حصہ بننے کی دعوت دی جبکہ پی ٹی آئی نے بلوچ رہنماؤں کو بھی شاہ زین بگٹی سے رابطے تیز کرنے کی ہدایت کی۔