اسلام آباد(مانیٹرنگ ڈیسک) مریم نوازسے آٹوگراف لینے والی لیڈی ڈاکٹرکا جیل سے تبادلہ ۔نجی ٹی وی کے مطابق اڈیالہ جیل میں مریم نوازکا چیک اپ کرنے والی لیڈی ڈاکٹرمہوش کوجیل انتظامیہ کی شکایت پران کی ذمہ داریوں سے سبکدوش کردیاگیا۔
ذرائع کاکہناہے کہ جیل انتظامیہ کی درخواست پر کچھ عرصہ قبل فتح جنگ کی ڈسپنسری میں تعینات میڈیکل ہیلتھ افسر ڈاکٹرمہوش کا عارضی تقرربطور لیڈی ہیلتھ افسرسینٹرل جیل اڈیالہ کیاگیاتھاجہاں 25جولائی کوڈیوٹی کے دوران ڈاکٹرمہوش نے مریم نوازسے آٹوگراف لیاجس کی شکایت جیل انتظامیہ نے محکمہ صحت راولپنڈی کوکی اورانہیں تبدیل کرنے کاکہاجس پرڈسٹرکٹ ہیلتھ افسرڈاکٹرضیاء نے باقاعدہ انکوائری کی جس کے بعدان کا جیل سے تبادلہ کردیا گیا۔واضح رہے کہ گزشتہ شب ہی نوازشریف کو پمز سے واپس اڈیالہ جیل منتقل کیا گیا تھا۔
