ممبئی (مانیٹرنگ ڈیسک )پاکستان کے عام انتخابات 2018ء میں تحریک انصاف کو واضح برتری کیساتھ سب سے 114سیٹوں کیساتھ سب سے آگے ہے ۔ تحریک انصاف کی فتح پر پاکستان بھر میں تبدیلی کے نعروں کی گونج سنائی دی ۔ انتخابات میں واضح برتری حاصل کرنے کے بعد چئیر مین تحریک انصاف عمران خان نے قوم سے اپنا پہلا خطاب بھی کیا جسے دنیا بھر میں لائیو دکھا یا گیا اور عالمی میڈیا نے نمایا ں کوریج دیتے ہوئے

عمران خان کے پہلے پالیسی خطاب کو خوب سراہا ہے ۔ پاکستان کے پڑوسی ملک بھارت بھی ایسے میں کسی سے پیچھے نہ رہا ۔ سوشل میڈیا پر بھارت کے ایک کنسرٹ کی ایک ویڈیو وائرل ہو گئی ہے اس ویڈیو میں دیکھا جا سکتا ہے کہ گلوکار نے تبدیلی کا نعرہ لگایا اور ساتھ ہی تبدیلی کا گانا بھی گانا شروع کر دیا ہے جس پر صرف گلوکار ہی نہیں بلکہ بھارت کی عوام بھی جھومنا شروع ہو گئی ہے ۔ اس کنسرٹ کی ویڈیو جاری کرتے ہوئے بھارتی انڈسٹری سے تعلق رکھنے والے راہول کول نے کہا ہے کہ ’’ نیا پاکستان ‘‘ جی ہاں عمران خان بھارت بھی آپ کو سپورٹ کرتا ہے ۔ آپ تبدیلی لائیں پورا بھارت آپ کیساتھ ہے ۔ بھارتی کنسرٹ میں تبدیلی کے نعروں اور گانوں کی گونج سے بھرپور اس ویڈیو نے سوشل میڈیا پر بھی خاصی مقبولیت حاصل کر لی ہے۔ جبکہ دوسری جانب سابق بھارتی سفارتکار مانی شنکر ایر نے کہا ہے کہ ہمیں پاکستانی انتخابات کے نتائج سے سیکھنا چاہیے، پاکستان کی عوام نے مذہبی جماعتوں کو یکسر مسترد کردیا ہے۔میڈیارپورٹس کے مطابق پاکستان کے انتخابات کے حوالے سے اپنے بیان میں انہوں نے کہا کہ بھارت کے عوام کو بھی پاکستان کی تقلید کرنی چاہئے۔اْن کا کہنا تھا کہ عمران خان کی تقریرحالات کے مطابق تھی، اگر وہ کشمیر کی بات کر رہے ہیں تو کیا حرج ہے ۔مانی شنکر ایر کا کہنا تھا کہ بھارت کو پاکستان سے مذاکرات شروع کرنے چاہئیں۔