اسلام آباد(مانیٹرنگ ڈیسک) لاہور کے حلقہ این اے 129 سے مسلم لیگ ن کے رہنما اور سپیکر قومی اسمبلی  ایاز صادق کامیاب قرار۔ غیر حتمی غیر سرکاری نتائج کے مطابق ن لیگی رہنما ایاز صادق نے 97 ہزار 204 ووٹ حاصل کر کے کامیابی حاصل کی جبکہ پاکستان تحریک انصاف کے امیدوار علیم خان نے 90 ہزار712 ووٹس حاصل کیے۔دوسری جانب حلقہ این اے 73سے بھی بڑا اپ سیٹ سامنے آیا ہے۔

سپریم کورٹ کے بعد اب عوامی عدالت نے بھی سابق وزیر خارجہ اور ن لیگ کے بھاری بھرکم امیدوار کے خلاف فیصلہ دیدیا ہے۔ اس حلقے سے تحریک انصاف کے امیدوار عثمان ڈار نے خواجہ آصف کو صرف 736ووٹ سے پچھاڑ دیا ہے۔ غیر حتمی اور غیر سرکاری نتائج کے مطابق تحریک انصاف کے عثمان ڈار ایک لاکھ 13 ہزار 453 ووٹ لے کر کامیاب قرار پائے جبکہ سابق وزیر خارجہ خواجہ آصف ایک لاکھ 12 ہزار 717 ووٹ لے کر دوسرے نمبر پر رہے۔