کراچی(مانیٹرنگ ڈیسک) کریم کے کپتان قرضے کی آسان قسطوں پر گاڑی حاصل کر سکیں گے۔ یونائیٹڈ بینک لمیٹڈ نے ملک میں موجود ڈیجیٹل بنیاد پر تیزی سے بڑھتی ہوئی سروس کریم سے شراکت داری کی ہے جوسٹیٹ بینک کے موجودہ منصوبہ ’’پرائم منسٹر یوتھ بزنس لون‘‘کے تحت کریم کے کپتانوں کو گاڑی کی فنانسنگ فراہم کرنے کیلئے ہے۔ معاہدے
کے تحت کریم کے کپتان طویل المدتی قرضے کی آسان قسطوں پر گاڑی حاصل کرنے کے قابل ہو جائینگے ، کپتانوں کو اثاثہ ملکیت فراہم کرنے کے علاوہ، شراکت داری انہیں کریم پلیٹ فارم کے ذریعے آمدنی کا مستحکم ذریعہ پیش کرے گی، یہ منصوبہ پاکستان میں نقل و حمل کا سستا اور آسان و مؤثر ذریعہ ہونے کے ساتھ، ڈیمانڈ،سپلائی کے فرق کو پورا کر رہا ہے۔
