اسلام آباد(آن لائن)اسلام آباد نیو انٹرنیشنل ایئرپورٹ پر بیرون ملک منشیات سمگلنگ کی کوشش ناکام بنا دی گئی ،3738گرام آئس ہیروئن برآمد کرلی گئی ۔تفصیلات کے مطابق اسلام آباد نیو انٹرنیشنل ایئرپورٹ پر چیکنگ کے دوران بیرون ملک منشیات سمگلنگ کرنے کی کوشش ناکام بناتے ہوئے چارسدہ
کے رہائشی محمد مسعود کے سامان سے 2500گرام آئس ہیروئین اور مردان کے رہائشی جان محمد کے سامان سے 1238گرام آئس ہیروئین برآمد کرلی گئی،اے این ایف نے ملزمان کو گرفتار کرکے سیل منتقل کردیا۔دونوں ملزمان نجی ایئرلائین کی پرواز ایکس وائی 316 سے ریاض جارہے تھے۔
