اسلام آباد (مانیٹرنگ ڈیسک)لاہور میں طیارے کا دروازہ ٹوٹ کر گر گیا، کوئی جانی نقصان نہیں ہوا، واقعہ کی تحقیقات شروع ۔ تفصیلات کے مطابق لاہور میں آج دوران پرواز تربیتی طیارے کا دروازہ ٹوٹ کر گر گیا تاہم دروازہ گرنے سے کوئی جانی نقصان نہیں ہوا۔ واقعہ اس وقت پیش آیا جب طیارہ لاہور شہر پر معمول

کی پرواز پر تھا اور مسلم ٹائون کے اوپر سے پرواز کرتے ہوئے گزر رہا تھا۔ تربیتی طیارے میں اس وقت خرابی پیدا ہوئی اور اس کا دروازہ ٹوٹ کر نیچے جا گرا ۔ پولیس واقعہ کی اطلاع ملتے ہی موقع پر پہنچ گئی اور کارروائی کا آغاز کر دیا ہے ۔ آخری آمدہ اطلاعات کے مطابق یہ معلوم نہیں ہو سکا کہ طیارہ کس کا تھا۔