اسلام آباد(مانیٹرنگ ڈیسک) گوگل میپ ایسی ایپ ہے جو ہر اسمارٹ فون میں لازمی ہوتی ہے، چاہے آئی فون ہو یا اینڈرائیڈ ڈیوائس۔ مگر یہ نہیں بھولنا چاہئے کہ گوگل میپ سب سے پہلے ویب ورژن میں متعارف کرایا گیا تھا اور کمپیوٹر پر بھی آپ اسے کئی طریقوں سے استعمال کرسکتے ہیں۔ گوگل میپ کے ویب ورژن میں بھی اکثر نئے فیچر جلد یا بدیر متعارف کرائے جاتے ہیں اور یہ کہنے کی ضرورت نہیں۔
کمپیوٹر کی بڑی اسکرین کسی نئی جگہ جانے اور اپنی مطلوبہ منزل کے بارے میں جاننے میں زیادہ مددگار ہیں۔ یہی وجہ ہے کہ گوگل نے خاموشی سے گوگل میپ کے ویب ورژن میں ایک بہترین فیچر کا اضافہ کیا ہے، جس کا علم اکثر افراد کو نہیں کیونکہ اس طرح کے فیچرز عام طور پر موبائل ڈیوائسز میں ہی سامنے آتے ہیں۔ ویب ورژن میں اب صارفین کو نوٹیفائی کیا جارہا ہے کہ کس وقت انہیں اپنے گھر یا دفتر سے نکلنا چاہئے تاکہ وہ بروقت اپنی منزل تک پہنچ سکیں۔ گوگل میپس پر دوستوں سے لوکیشن شیئر کریں ایسا سننے میں جانا پہچانا لگ رہا ہے؟ تو اس کی وجہ یہ ہے کہ یہ فیچر موبائل ڈیوائسز میں پہلے سے ہی دستیاب ہے۔ اینڈرائیڈ پولیس کے مطابق یہ تو معلوم نہیں کہ گوگل میپ کے ویب ورژن میں یہ فیچر کب متعارف کرایا گیا۔ تاہم گوگل میپ کے ویب ورژن میں رواں سال جنوری سے نوٹیفکیشنز کا سلسلہ شروع کیا گیا تھا مگر یہ اب تک کچھ زیادہ مددگار نہیں تھا۔ مگر اب نوٹیفکیشن میں ایک نئے آپشن کا اضافہ کیا گیا ہے جسے ٹائم ٹو لیو (Time to leave) کا نام دیا گیا ہے۔ اسکرین شاٹ اس فیچر کو ایکٹیویٹ کرنے کے لیے آپ کو سائیڈ مینیو میں نوٹیفکیشنز میں جانا ہوگا جو کہ بائیں جانب سرچ کے آپشن کے ساتھ موجود ہے۔ گوگل میپ راستے کی پینوراما تصاویر بھی فراہم کرے گا؟ ویسے اس فیچر سے آپ کو اندازہ ہوسکے گا کہ گاڑی یا بس وغیرہ سے گھر سے دفتر یا دفتر سے گھر پہنچنے میں کتنا وقت درکار ہوگا اور کئی طرح کی معلومات مل سکے گی۔ یہ بتانے کی ضرورت نہیں کہ اس کے لیے آپ کو گوگل کو لوکیشن ٹریک کرنے کی اجازت دینا ہوگی۔
