بنوں(سی پی پی)سابق وزیر اعلی اکرم درانی پر حملے کی فوٹیج سامنے آ گئی ۔سابق وزیر اعلیٰ کے پی کے اکرم درانی کے قافلے پر بم حملہ ہوا تھا۔یہ افسوسناک واقعہ بنوں میں پیش آیا تھا۔جس میں سابق وزیر اعلیٰ کے پی کے اور جے یو آئی ایف کے رہنما اکرم درانی کے قافلے پر بم حملہ کیا گیا تھا،جس کے نتیجے میں 4 افراد جاں بحق جب کہ 30 افراد زخمی ہو گئے تھے۔تاہم خوش قسمتی سے اکرم درانی اس حملے میں محفوظ رہے تھے

۔میڈیا رپورٹس کے مطابق اب اکرم درانی پر حملے کی سی سی ٹی وی فوٹیج بھی سامنے آ گئی ہے۔اس سے پہلے اکرم درانی کے قافلے پر حملے کی موبائل سے بنی ہوئی ویڈیو سامنے آئی تھی، تاہم اب اس حملے کی سی سی ٹی وی فوٹیج بھی سامنے آ گئی ہے جس میں واضح طور پر دیکھا جا سکتا ہے کہ کیسے قافلے پر حملہ کیا گیا۔جب دھماکہ ہوا تو وہاں موجود لوگوں میں افرا تفری پھیل گئی تھی، فوٹیج میں یہ بھی دیکھا جا سکتا ہے کہ ایک موٹر سائیکل وہاں پر موجود تھی جس میں دھماکہ خیز مواد نصب کیا گیا تھا۔