اسلام آباد (مانیٹرنگ ڈیسک )چیف جسٹس نے گزشتہ ہفتے بھاشا اور مہمند ڈیم کی فوری تعمیرکا حکم دیتے ہوئے عوام سے عطیات دینے کی اپیل کی تھی اور سب سے پہلے خود ہی رضاکارانہ طور پر دس لاکھ روپے عطیہ کرنے کا اعلان کیا جس کے بعد اکاﺅنٹ قائم کیا گیا  جس کی تفصیلات بھی سپریم کورٹ کی ویب سائٹ پر باقاعدگی سے جاری کی جارہی ہیں جس کے مطابق ڈیموں کی تعمیر کیلئے اب تک صرف تقربیا 12 لاکھ روپے ہی جمع ہو پائے ہیں ۔

سپریم کورٹ کی ویب سائٹ پر دی گئی تفصیلات آخری مرتبہ پانچ جولائی کو ہی اپ ڈیٹ کی گئی ہیں تاہم دوسری جانب وزارت خزانہ کی جانب سے بھی بینک اکاونٹ بنایا گیاہے جس پر چیف جسٹس نے نوٹس لے لیاہے اور کہا کہ سٹیٹ بینک نے اکاونٹ کھولنے کیلئے تین دن لگا دیئے اور لوگ پیسے لے کر گھوم رہے ہیں۔سپریم کورٹ کی جانب سے فنڈز کیلئے سٹیٹ بینک  میں بینک اکاونٹ کھولا گیا ہے، اس بینک اکاﺅنٹ کا نام DIAMER BASHA AND MOHMAND DAM FUND-2018 ہے۔