اسلام آباد (مانیٹرنگ ڈیسک) ایم کیو ایم نے کراچی سے عمران خان اور شہباز شریف کو الیکشن جیتنے کیلئے بڑی آفر کر دی۔ تفصیلات کے مطابق ایم کیو ایم کے انتخابی مہم کے کپتان ڈاکٹر فاروق ستار نے عمران خان اور شہبا ز شریف کو بڑی آفردیتے ہوئے کہا ہے کہ دونوں رہنما اپنے صوبے کے بجٹ سے کچھ حصہ کراچی کو دیں تو اُنکے خلاف اپنے امیدوار دستبردار کرا دوں گا۔فاروق ستار نے میڈیا سے گفتگو کرتے ہوئے کہا پیرس بنانے سے پہلے
کراچی سے انصاف کریں، کراچی کیلئے وسائل کی منصفانہ تقسیم کی جائے۔ انہوں نے کہا ٹکٹ کی سلیکشن میں میرا کوئی کردار نہیں ہے، امیدواروں کا انتخاب خالد بھائی اور رابطہ کمیٹی نے کیا ہے، سلیکٹر کوئی اور کپتان میں ہوں، رابطہ کمیٹی کہے تو الیکشن سے دستبردار ہوجاؤں گا۔ایم کیو ایم رہنما نے مزید کہا کہ ہر الیکشن میں ایسا ہوتا ہے کہ ووٹر اپنے مسائل بتاتا ہے، آج میڈیا نے ترقی کی ہے تو سب چیزیں کیمرے پر آ رہی ہیں۔
