اسلام آباد(مانیٹرنگ ڈیسک)حمزہ شہباز کے خلاف نیب کو بڑا ثبوت مل گیا، مبینہ فرنٹ مین گرفتار ، ترجمان نیب نے تصدیق کردی۔ تفصیلات کے مطابق نیب ترجمان کے مطابق ننکانہ صاحب میں پانی کی فراہم منصوبے میں 18 کروڑ روپے کی مبینہ کرپشن،، منڈی فیض آباد میں پانی کی فراہمی منصوبے میں ایک کروڑ روپے کی مبینہ کرپشن اور شاہ کوٹ میں سیوریج منصوبے میں 5 کروڑ روپے کی مبینہ کرپشن کے الزام میں گرفتار ہونے والے چیف انجینیئر شاہد اظہار

کے خلاف محکمہ انسدادِ بدعنوانی اور ایک انٹیلی جنس ایجنسی تحقیقات کر رہے ہیں۔ان کا کہنا تھا کہ مذکورہ کرپشن کے حوالے سے اطلاعات ہیں کہ یہ کرپشن حمزہ شہباز شریف کی جانب سے کی گئیں اور شاہد اظہار ان کے فرنٹ مین کے طور پر کام کر رہے تھے۔نیب میں موجود ذرائع نے بتایا کہ بیورو سابقہ حکومت کے دور میں اعلیٰ عہدوں پر فائز پولیس افسران سمیت کچھ مزید بیوروکریٹس کو کرپشن کیسز میں تحقیقات کے لیے طلب کر سکتا ہے۔