ریاض(انٹرنیشنل ڈیسک)سعودی عرب کے وزیر برائے اوقاف ومذہبی امور الشیخ عبدالطیف اال الشیخ نے حکومت کی جانب سے خواتین کو ڈرائیونگ کی اجازت دینے کی مکمل حمایت کیاہے اورکہا کہ خواتین کی ڈرائیونگ کا معاملہ سماجی نوعیت کا ہے یہ معاشرے کی سماجی ضرورت بھی ہے۔ قرآن وحدیث، سنت یا اجماع امت میں ایسی کوئی نص موجود نہیں۔
جسے خواتین کی ڈرائیونگ پر پابندی کے جواز میں پیش کیا جاسکے۔میڈیارپورٹس کے مطابق ایک بیان میںآل الشیخ نے مزید کہا کہ معاشرتی ضروریات کے پیش نظر خواتین کا گاڑی چلانا ایک سماجی ضرورت بن چکا ہے۔ خواتین کے گاڑی چلانے میں کوئی حرج نہیں۔خیال رہے کہ سعودی عرب میں آج سے خواتین کو ڈرائیونگ کی اجازت حاصل ہوگئی ہے۔
