اسلام آباد /نئی دہلی (نیوز ڈیسک)پاکستان تحریک انصاف کے سربراہ عمران خان کی سابق اہلیہ ریحام خان نے کہا ہے کہ انہیں حقائق کا پتا ہوتا تو وہ عمران خان سے شادی کرتی اور نہ ہی انہیں ووٹ ڈالتیں،دراصل میں نظریات پر سمجھوتا نہیں کرپائی۔بھارتی میڈیا کو تازہ انٹرویو میں ریحام خان نے کہا کہ انہوں نے کہاکہ میں نے عمران خان کیلئے چپاتیاں بھی بنائیں،انہیں پیار سے سمجھایا بھی اور وفا شعار بیوی کی طرح ان سے سچے دل سے محبت کی ۔ریحام خان نے سابقہ شوہر سے اختلافات اور ٹوٹے

دل سے متعلق دل کھول کر رکھ دیااور کہا کہ میں نے سیاستدان سے اور نہ ہی خاتون اول بننے کیلئے شادی کی ،عمران خان میرا ماضی ہیں،انتقام ہرگز نہیں لینا چاہتی۔انہوں نے کہا کہ وہ وہ عمران خان سے نظریات پر سمجھوتہ نہیں کر پائیں،اقربا پروری کی بنیاد پر ٹکٹ دینے پر عمران خان سے اختلافات تھے،کتاب ووٹرز کی رہنمائی کیلئے لکھی ہے۔ تحریک انصاف کتاب کو اپنا ہی زاویہ دے کرووٹرز کو اصل حقائق سے دور کرنا چاہتی ہے، کتاب میں کچھ ایسا ہے جس سے وہ خوفزدہ ہیں۔

موضوعات:تحریک انصاف ریحام خان ریحام کتاب