اسلام آباد (مانیٹرنگ ڈیسک)نگران وزیراعلیٰ پنجاب کیلئے مسلم لیگ ن نے 4نام دیدئیے، سابق ڈی جی آئی بی آفتاب سلطان، سابق سربراہ پاک بحریہ ذکا اللہ، جسٹس ریٹائرڈ سائر علی اور بیوروکریٹ طارق ڈوگر کے نام شامل ۔ تفصیلات کے مطابق نگران وزیراعلیٰ پنجاب کیلئے ن لیگ اور اپوزیشن کے درمیان ڈیڈ لاک برقرار رہے اور دونوں جانب سے چار چار نام سامنے آچکے ہیں۔ تحریک انصاف کی جانب سے چار نام سامنے آئے ہیں ان میں ایاز امیر، ڈاکٹر حسن عسکری، اوریا مقبول جان اور یعقوب اظہار شامل ہیں

جبکہ ن لیگ نے بھی چار نام دئیے ہیں ان میں سابق ڈی جی آئی بی آفتاب سلطان، سابق سربراہ پاک بحریہ ذکا اللہ، جسٹس ریٹائرڈ سائر علی اور بیوروکریٹ طارق ڈوگر کے نام شامل ہیںسابق اپوزیشن لیڈر اور تحریک انصاف کے رہنما محمود الرشید قیادت سے صلاح مشورے کیلئے اسلام آباد پہنچ چکے ہیں ۔ محمود الرشید کا دعویٰ ہے کہ اتوار کی شام تک ان کی ملاقات وزیرا علیٰ شہباز شریف سے ہو جائے گی اور معاملہ ضرور حل ہو جائے گا لیکن ن لیگ کے ذرائع کا کہنا ہے کہ معاملہ پارلیمانی کمیٹی کی جانب ہی جاتا نظر آرہا ہے۔