اسلام آباد (آئی این پی)قومی احتساب بیورو(نیب)کے چیئرمین جسٹس(ر) جاوید اقبال نے سپریم کورٹ کے فیصلے کی روشنی میں بحریہ ٹاؤن کراچی، بحریہ ٹاؤن لاہور اور بحریہ ٹاؤن راولپنڈی کے خلاف باقاعدہ تفتیش کا آغازکرتے ہوئے متعلقہ ڈائریکٹر جنرلز نیب کو ہدایت کی ہے کہ سپریم کورٹ کے فیصلے کی روشنی میں بحریہ ٹاؤن کے خلاف انوسٹی گیشن کو 3ماہ میں قانون کے مطابق منطقی انجام تک پہنچایا جائے اورسپریم کورٹ کے

فیصلے کی من و عن تعمیل کی جائے، اس سلسلہ میں کوئی کوتاہی ہرگز برداشت نہیں کی جائے گی۔چیئرمین نیب نے وفاقی وزیر برائے ہاؤسنگ اینڈ ورکس اکرم خان درانی کے خلاف قواعدو ضوابط کو بالائے طاق رکھتے ہوئے مبینہ طور پر غیر قانونی طور پر خالی آسامیوں پر اپنے انتخابی حلقے بنوں کے لوگوں کی مبینہ طور پر غیر قانونی تقرریاں کرنے کی شکایت کا نوٹس لیتے ہوئے ڈی جی نیب راولپنڈی کو مکمل جانچ پڑتال کا حکم دیا ہے۔