کھلنا(نیوزڈیسک)پاکستان کرکٹ ٹیم کے کپتان مصباح الحق نے کہا ہے کہ ٹیسٹ میچ میں غلطیاں ہیں کیں ،میچ ڈرا ہونے پر افسوس ہے ، ڈی آر ایس سے متعلق معاملہ دیکھنا آئی سی سی کا کام ہے ،حریف ٹیم اچھی کھیل رہی ہو تو تعریف کر نی چاہیے۔ میڈیا سے گفتگو کرتے ہوئے مصباح الحق نے کہاکہ بنگلہ دیش نے اس میچ میں آوٹ کلاس کردیا ، بولرز نے بعض اوقات اچھی بالنگ نہیں کی ، تمیم اقبال فارم آف لائف سے گزر رہے ہیں۔مصباح الحق نے کہاکہ حریف ٹیم اچھا کھیل رہی ہو تو اس کی تعریف کرنی چاہیے ، بنگلا دیش کے بیٹسمینوں کا متاثر کن کھیل ہمارے لیے حیران کن تھا،وکٹ سلو تھی ،بولرز کےلئے وکٹ میں کچھ نہیں تھا،وہاب ریاض اورجنیدخان نے بہت محنت کی۔ایک سوا ل کے جواب میں مصباح الحق نے کہاکہ ہمیں اپنی بولنگ اور فیلڈنگ کو بہتر بنانے کی ضرورت ہے کیونکہ میچ کے دوران ہماری فیلڈنگ کی وجہ سے کئی کیچ ڈراپ ہوئے