اسلام آباد(نیوز ڈیسک)بلوچستان کے اسپیکر محمد جان جمالی مستعفی ہوگئے ہیں جس کی منظوری کا آئندہ چند روز میں امکان ہے نجی ٹی وی کے مطابق اسپیکر نے اپنا استعفیٰ صوبائی اپوزیشن لیڈر نواب ثنا اللہ زہری کو بھیج دیا (ن )لیگی ذرائع نے تصدیق کی کہ جان جمالی کا استعفیٰ موصول ہوگیا ہے۔جان محمد جمالی نے کہاکہ سبی اور نصیر آباد ڈیویڑن کو سینیٹ کی ٹکٹوں کے سلسلے میں نظرانداز کیا جارہا ہے۔انہوں نے مسلم لیگ بلوچستان تشکیل دینے کا بھی اعلان کیا تھا۔جان محمد جمالی 1998 سے بارہ اکتوبر1999 تک بلوچستان کے وزیر اعلیٰ رہے یہ وہ دور تھا جب ملک میں نواز شریف کی حکومت تھی اور اس وقت کے جنرل پرویز مشرف نے 1999 میں ان کی حکومت کا تختہ الٹا تھا۔وہ گزشتہ پاکستان پیپلز پارٹی کی حکومت کے دوران ڈپٹی چیئر مین سینٹ تھے۔

مزید پڑھئے:آپ جلتے کڑھتے رہتے ہیں یا خوش باش؟7علامتوں سے خود کو پہچانیں