اسلام آباد(مانیٹرنگ ڈیسک) میشا شفیع کی جانب سے علی ظفر پر لگائے جانے والے الزامات کے بعد اب ابرار الحق بھی اسی طرح کےالزامات کی زد میں آ گئےہیں۔ ٹویٹر پر ایک صارف نے بتایا کہ میشا شفیع کے علی ظفر پر لگائے گئے الزامات نے مجھے اس وقت کی یاد دلا دی جب 30 برس کے پاکستانی گلوکار ابرار الحق میری 16 سالہ دوست کے ساتھ افئیر چلا رہے تھے اور انہوں نے میری دوست کو شادی کے وعدے کر کر کے جنسی طور پرہراساں بھی کیا۔
اس وقت ہمیں کم عمری میں اس سب کا کچھ بھی نہیں پتہ تھا اور ہم نے اسے مردوں کی معمول کی فطرت قرار دے دیا تھا۔خاتون کے اس ٹویٹ پر صارفین نےملے جلے رد عمل کا اظہار کیا ۔ کئی صارفین نے کہا کہ اتنے سالوں کے بعد یہ سب کیوں بتایا جا رہا ہے اب جب آپ کی دوست چپ رہی تو آپ کیوں بول رہی ہیں؟ کچھ صارفین نے خواتین کی سپورٹ کرکے ہوئے ایسے عناصر کو بے نقاب کرنے کا مطالبہ کیا ہے۔
