کھٹمنڈو(نیوز ڈیسک)  نیپال میں آ نے والے طاقت ور ترین زلزلے کی وجہ سے ماونٹ ایورسٹ اور قریبی بلند ترین چوٹیوں کو سر کر نے کے لیے آ نے والے غیرملکی کوہ پیما یا تو اپنی جانوں سے ہاتھ دھو بیٹھے یا انہیں اپنا سفر ادھورا چھوڑ کر واپس جانا پڑا۔ مگرمرزا علی بیگ وہ پاکستانی کوہ پیما ہیں جو زلزلے کے وقت 6400میٹر کی بلندی پر تھے۔انہوں نے سیٹلائٹ فون کے ذریعے اپنے شمالی بیس کیمپ سے میڈیاسے گفتگو کرتے ہوئے کہا کہ نیپال میں آ نے والے شدید زلزلے کے جھٹکے پہاڑوں کی او نچائیوں پہ بھی محسوس کیے گئے۔انھوں نے بتایا کہ یہ بہت ہی خوفناک اور دل ہلا دینے والا منظر تھا، جب گلیشئرز اپنی جگہ سے ہٹنا شروع ہوئے اور ہر طرف چیخ و پکار سنائی دے رہی تھی۔مرزا علی پاکستا نی نوجوان خاتون کوہ پیما، ثمینہ بیگ کے بھائی ہیں جو پہلی خاتون کوہ پیما ہیں جنھوں نے د نیا کی مشہور چوٹیوں سمیت ماونٹ ایورسٹ کی چوٹی سر کی ہے