اسلام آباد(مانیٹرنگ ڈیسک)چیئرمین پاکستان تحریک انصاف عمران خان کا گلیات میں سرکاری ریسٹ ہاﺅسز کو کمرشلائزکرنے کا دعویٰ محض دعویٰ ہی ثابت ہوا۔ کئی سرکاری ریسٹ ہاﺅسز تک اب بھی عام افراد کی رسائی نہیں، جب کہ کمرشلائزکئے جانے والے ریسٹ ہاﺅسز میں سے بھی نصف مبینہ عدم توجہی کے باعث بند ہیں،ایک قومی روزنامے کی رپورٹ کے مطابق کچھ سال قبل عمران خان نے اپنی تقریروں اور سوشل میڈیا پر جاری کئے گئے بیانات میں یہ دعویٰ
کیا تھا کہ گلیات میں تمام سرکاری ریسٹ ہاﺅسز کو عام لوگوں کے لئے کھولا جائے گا اور اس سے آمدنی حاصل ہوگی جو کہ مقامی افراد کی فلاح و بہبود پر خرچ کی جائے گی لیکن یہ دعوی زمینی حقائق کے برعکس ہے۔گلیات میں مختلف سرکاری محکموں کے ریسٹ ہاﺅسز واقع ہے جس میں سے صرف 19 ریسٹ ہاﺅسز کو کمرشلائزڈ کرنے کےلئے گلیات ڈویلپمنٹ اتھارٹی کے حوالے کیا گیا ہے۔مقامی لوگوں نے عمران خان سے اپنا وعدہ پورا کرنے کا مطالبہ کیا ہے۔
