لاہور(آئی این پی) صوبائی وزیر قانون رانا ثناء اللہ خان نے عمران خان کو ’’جوتا بازی کلچر ‘‘ایجاد کرنیوالے قرار دیتے ہوئے کہا ہے کہ عمران خان نوازشر یف کو پار لیمنٹ سے گھسیٹ کر باہر نکالنے کی باتیں کرتے رہے مگران کو یہ پتہ نہیں یہ باتیں ایک دن ان پر بھی آئیں گی ‘لگتا ہے ایک ماہ میں تمام جماعتوں کے قائدین جوتا کلب میں شامل ہوجائیں گے مگر ہم جوتا کلچر کے حامی نہیں اس کو روکنا ہوگا ۔

مجھے لگ رہا ہے کہ درجنوں نہیں (ن) لیگ کے سینکڑوں کارکنان جوتے لیکر شیخ رشید کے پیچھے پڑے ہوئے ہیں جب عمران خان اور شیخ رشید غلیظ باتیں کر یں گے تو سیاسی جماعتوں کو اپنے کارکنوں کو سمجھانا مشکل ہوجاتا ہے ۔ بدھ کے روز میڈیا سے گفتگو کرتے ہوئے صوبائی وزیر قانون رانا ثناء اللہ خان نے کہا کہ مجھے لگ رہا ہے کہ جس طر ح کارکنان شیخ رشید کے پیچھے جوتے لیکر پھررہے ہیں اسکے بعد مجھے لگتا ہے کہ شیخ رشید جوتا کلب میں سب سے آگے ہوں گے ۔ انہوں نے کہا کہ شام سات بجے سے لیکر گیارہ بجے تک جو لوگ گھٹیا باتیں کرتے ہیں وہ بھی اس جوتا کلچر سے محفوظ سے نہیں رہیگا ۔