اسلام آباد(مانیٹرنگ ڈیسک)لاہور ہائیکورٹ نے قرآن پاک کے غلط ترجمہ کرنے پر پانچ کمپنیوں کے خلاف درخواست پر آج چیف سیکرٹری پنجاب، سیکرٹری اوقاف اور چیئرمین پنجاب قرآن بورڈ سے جواب طلب کر لیا۔ مقامی اخبار کی رپورٹ کے مطابق مسٹر جسٹس علی اکبر قریشی نے شہری بشارت علی چوہدری کی درخواست پر سماعت
کی۔ درخواست گزار کے وکیل نے موقف اختیار کیا کہ تاج کمپنی قدرت اللہ کمپنی، حافظ کمپنی سمیت پانچ کمپنیوں نے قرآن پاک کا غلط ترجمہ شائع کیا ہے۔ قرآن پاک کے غلط ترجمہ کی اشاعت کو فوری طور پر روکا جائے۔ انہوں نے استدعا کی کہ قرآن پاک کا غلط ترجمہ شائع کرنے پر پبلشر کے خلاف قانون کے مطابق سخت کارروائی کی جائے۔
