اسلام آباد (مانیٹرنگ ڈیسک) واٹس ایپ میں ایک ایسی تبدیلی ہونے والی ہے جو اس سے پہلے آپ کو کسی میسجنگ ایپ میں دیکھنے کو نہیں ملی ہوگی۔ جی ہاں واٹس ایپ بہت جلد آپ کو نئے ایپ آئیکون کا انتخاب کرنے کا موقع فراہم کرنے والی ہے۔ واٹس ایپ کے اینڈرائیڈ کے لیے نئے بیٹا ورژن میں اڈاپٹو آئیکونز سپورٹ دی گئی ہے جس سے صارف اپلیکشن کے آئیکون ماسک کو بدل سکتے ہیں۔
واٹس ایپ کی یہ کارآمد ٹِرک جانتے ہیں؟ اس تبدیلی سے آئیکون تو تبدیل نہیں ہوگا مگر اس کے بارڈر شیپ کو بدلا جاسکتا ہے اور اس کے لیے چوکور، گول اور 3 دیگر ڈیزائن بھی فراہم کیے جائیں گے۔ آئیکون کا پس منظر سبز رنگ کا ہوگا جبکہ مختلف سائز کے ماسکس ہوں گے۔ اگر آپ اس فیچرکو آزمانا چاہتے ہیں تو گوگل پلے پر واٹس ایپ کے بیٹا پروگرام کا حصہ بن جائیں اور ہاں اینڈرائیڈ اوریو پر چلنے والے فونز پر ہی یہ فیچر فی الحال کام کرے گا۔ واٹس ایپ کی جانب سے بیٹا ورژن میں دیگر فیچرز کو بھی آزمایا جارہا ہے، جیسے وائس ریکارڈنگ کو اپ ڈیٹ کیا جارہا ہے اور بغیر آئیکون کو دبائے آواز ریکارڈ کرنے کا موقع فراہم کیا جائے گا، بس مائیکرو بٹن پر ٹیپ کرنا ہوگا۔ اسی طرح بہت جلد واٹس ایپ میں پیغامات ڈیلیٹ کرنے کا دورانیہ 7 منٹ سے بڑھ کر ایک گھنٹے تک کی جارہا ہے۔ واٹس ایپ میں صارفین کے لیے اہم اپ ڈیٹ واٹس ایپ کی جانب سے اسپام میسجز کی شناخت اور بلاک کرنے کے نئے فیچر پر بھی کام کیا جارہا ہے۔ اسٹیکرز پیک کو بھی بڑھایا جارہا ہے اور امکان ہے کہ میسنجر جیسے اسٹیکر پیکس اس اپلیکشن میں متعارف کرائے جاسکتے ہیں۔
