نیویارک(این این آئی)معروف ویب سائٹ ریڈ اِٹ نے ’جعلی پورن‘ پر پابندی عائد کر دی ۔اس سے مراد ایسی تصاویر اور ویڈیوز جس میں کسی شخص کی رضامندی کے بغیر کسی فحش تصویر یا ویڈیو میں اس کا چہرہ لگا دیا جاتا ہے اب اس ویب سائٹ پر شیئر نہیں کی جا سکیں گی۔برطانوی ٹی وی کے ماطبق ریڈ اِٹ کی جانب سے یہ فیصلہ مصنوعی ذہانت کے ایک سافٹ ویئر کے بعد سامنے آیا ہے جس کے ذریعے اس قسم کی ویڈیو تیار کرنا نسبتاً آسان ہوگیا ہے۔
ویب سائٹ کے منتظمین نے کم سن بچوں کے حوالے سے بھی اپنی پالیسی پر نظرثانی کی ہے۔ریڈ اٹ نے پورنوگرافی سے متعلق اپنی نئی پالیسی میں بیان کیا کہ یہاں کسی بھی فرد کی اجازت کے بغیر برہنہ تصاویر یا کسی جنسی عمل کے دوران بنائی گئی یا پھیلائی گئی ویڈیوز کو پھیلانا ممنوع ہے چاہے اس کی تفصیل میں لکھا کہ یہ جعلی ہے۔اس کے ساتھ ساتھ ویب سائٹ نے سیلب فیکس نامی فورم بھی حذف کر دیا ہے جو شوبز کی معروف شخصیات کی جعلی تصاویر سے متعلق ہے اور سات سال پہلے بنایا گیا تھا۔اس قسم کی ویڈیوز بنانے کے لیے عام طور پر ایک مخصوص سافٹ ویئر کا استعمال کیا جاتا ہے۔ اسے بنانے والے ڈیزائنر کے مطابق ایک ماہ سے بھی کم وقت میں اسے ایک لاکھ سے زائد بار ڈاؤن لوڈ کیا جا چکا ہے۔
