دبئی (مانیٹرنگ ڈیسک) رازق اللہ کی ذات ہے جب وہ دینے پر آئے تو کیسے کیسے وسیلے بنا کر نواز دیتا ہے، ایسا ہی دبئی میں ایک پاکستانی ڈرائیور کے ساتھ ہوا، اس کی گزر اوقات انتہائی مشکل سے ہو رہی تھی کہ اچانک اس کا انعام ایک کلو سونا نکل آیا، جس نے اس کے خاندان میں خوشیاں بکھیر دی ہیں، دبئی میں جاری شاپنگ فیسٹیول میں پاکستانی ڈرائیور کی زندگی ہی بدل گئی،
پاکستانی ڈرائیور لال جان نے لکی ڈرا کے آخری روز ایک کلو سونا جیت لیا، میڈیا ذرائع کے مطابق گولڈ اینڈ جیولری گروپ کی تشہیر کے لیے منعقد کیے گئے شاپنگ فیسٹیول میں ایک پاکستانی ڈرائیور لال جان کی زندگی اس وقت بدل گئی جب لکی ڈرا کے آخری روز اس کا نام میگا ونر کے طور پر سامنے آیا، فیسٹیول منتظمین نے لال جان کو ایک کلو سونا دیا جس کی مالیت پاکستانی روپوں میں 46 لاکھ بنتی ہے۔ اچانک قسمت بدلنے سے لال جان نے کہا کہ میں اس انعامی رقم سے اپنی بس خریدوں گا کیونکہ وہ ایک مدت سے ڈرائیور کی نوکری کر رہے ہیں اور اب وہ اپنی ذاتی بس خریدنا چاہتے ہیں۔ پاکستانی ڈرائیور لال جان نے کہا کہ ان کے دو بچے ہیں اور میرا انعام اس موقع پر نکلا ہے جب مجھے اس کی اشد ضرورت تھی، اس انعام نے ہمارے گھر میں خوشیاں بکھیر دی ہیں، لال جان نے کہا کہ ہم لوگوں نے کبھی تصور بھی نہیں کیا تھا کہ ہماری زندگی میں اچانک اتنی خوشگوار تبدیلی ہو جائے گی، لال جان نے کہاکہ میں مالی طور پر کمزور تھا اور گھریلو اخراجات بڑی مشکل سے پورے کرتا تھا لیکن اب اس انعام کی وجہ سے میری مشکلات اور پریشانیاں ختم ہو جائیں گی۔ شاپنگ فیسٹیول میں ایک پاکستانی ڈرائیور لال جان کی زندگی اس وقت بدل گئی جب لکی ڈرا کے آخری روز اس کا نام میگا ونر کے طور پر سامنے آیا، فیسٹیول منتظمین نے لال جان کو ایک کلو سونا دیا جس کی مالیت پاکستانی روپوں میں 46 لاکھ بنتی ہے۔ اچانک قسمت بدلنے سے لال جان نے کہا کہ میں اس انعامی رقم سے اپنی بس خریدوں گا
