نیو یارک(آئی این پی ) امریکا میں پاکستانی سفیراعزازچوہدری نے کہا ہے کہ امریکہ سے برابری اور احترام کی سطح پر بہتر تعلقات چاہتے ہیں، پاک امریکا تعلقات میں تعطل بہت بڑی غلطی ہوگی،پاکستان افغانستان میں ہونے والے حملوں کی مذمت کرتا ہے،افغانستان میں بدامنی سے پاکستان متاثرہورہا ہے، افغانستان میں گورننس کامسئلہ ہے ، کرپشن، منشیات کی بھرمار ہے۔

امریکی نشریاتی ادارے کوانٹرویودیتے ہوئے اعزازچوہدری نے کہا کہ پاکستان اورامریکا 70 سال سے ایک دوسرے کے ساتھ جڑے ہیں، دونوں ملکوں نے جب بھی مل کرکام کیا توفائدہ ہوا، امریکا سے برابری اوراحترام کے ساتھ بہترتعلقات چاہتے ہیں اورپاک امریکا تعلقات میں تعطل بہت بڑی غلطی ہوگی۔اعزازچوہدری نے کہا کہ افغانستان مسائل میں گھرا ہوا ملک ہے، افغانستان میں گورننس، کرپشن، منشیات، مافیا کی بھرما رہے ۔

افغانستان میں بدامنی سے پاکستان متاثرہورہا ہے، افغانستان میں ہونے والے حملوں کی مذمت کرتے ہیں، افغانستان میں امن چاہتے ہیں جب کہ افغانستان میں کچھ بھی ہواس کا الزام پاکستان پرلگا دیاجاتا ہے۔ اعزازچوہدری نے کہا کہ افغان حکومت تمام اسٹیک ہولڈرزکومذاکرات میں شریک کرے جب کہ افغان طالبان کوبھی مذاکرات کی میزپربیٹھنا چاہیے۔ انہوں نے کہا کہ دہشتگردی اورشدت پسندی کسی صورت قبول نہیں، پاکستانی فورسزنے دہشتگردوں کے خلاف گھیراتنگ کردیا جس کے بعد پاکستان سے دہشتگرد فرارہورہے ہیں۔

موضوعات:پاک امریکہ تعلقات،اعزاز چوہدری