اسلام آباد (مانیٹرنگ ڈیسک) اسلام آباد کے ایک گیسٹ ہاؤس سے ایک آئی سپیشلسٹ ڈاکٹر اور نوجوان لڑکی کی لاشیں ملی ہیں، ایک نجی ٹی وی چینل کی رپورٹ کے مطابق گیسٹ ہاؤس سے آنکھوں کے ڈاکٹر اور ایک نوجوان لڑکی کی لاشیں ملی ہیں، ان دونوں کے ساتھ کیا ہوا، ان کی موت کی وجہ کیا ہے اس بارے میں ابھی کچھ پتہ نہیں چلا ہے وفاقی پولیس نے تحقیقات کا آغاز کر دیا ہے، آنکھوں کی امراض کے ڈاکٹر اور ایک نوجوان لڑکی کی اسلام آباد کے ایک گیسٹ ہاؤس سے دو روز پرانی لاشیں ملی ہیں، تھانہ شالیمار کے
مطابق پوش علاقے میں واقع اس گیسٹ ہاؤس کا یہ کمرہ دو دن سے بند تھا جب کمرے سے بدبو آنا شروع ہوئی تو گیسٹ ہاؤس کے عملے نے اس کھول کر دیکھا تو اندر ایک مرد اور لڑکی کی لاشیں تھیں، جب تحقیقات کی گئیں تو پتہ چلا کہ مرد آئی سپیشلسٹ رانا آفتاب ہے اور لڑکی کا تعلق گولڑہ سے ہے اور اس کا نام زبیدہ ہے۔ دونوں کو قتل کیا گیا یا موت کا سبب کچھ اور تھا؟ پولیس نے بتایا کہ لاشوں کے پوسٹ مارٹم کے بعد ان کی موت کی اصل وجہ معلوم ہو جائے گی، فی الحال کچھ نہیں کہا جا سکتا کہ ان کے ساتھ کیا ہواہے۔
