لاہور (آن لائن)چیف جسٹس لاہور ہائیکورٹ جسٹس منصور علی شاہ نے تلور کے شکار پر پابندی کا فیصلہ واپس لے لیا ہے اور شکار پر پابندی کیخلاف درخواستوں پر وکلا ء کو بحث کیلئے 8 فروری کو طلب کر لیا ہے۔ چیف جسٹس لاہور ہائیکورٹ جسٹس منصور علی شاہ نے چند روز قبل تلور کے شکار پر ایک برس کیلئے پابندی لگائی تھی۔ چیف جسٹس لاہور ہائیکورٹ
نے شکار پر پابندی کا فیصلہ واپس لیتے ہوئے قرار دیا کہ کمیشن کی رپورٹ کا تفصیلی جائزہ لینے پر مزید حقائق سامنے آئے ہیں۔ چیف جسٹس لاہور ہائیکورٹ نے قرار دیا کہ تلور کے شکار پر پابندی سے قبل کمیشن کی رپورٹ پر تفصیلی بحث کی ضرورت ہے۔ چیف جسٹس لاہور ہائیکورٹ جسٹس منصور علی شاہ نے حکم دیا کہ فریقین کے وکلاء کو 8 فروری کو دلائل دیں۔
