اسلام آباد(نیوزڈیسک)نقیب اللہ کا قتل،راؤ انوار نےمیرا طیارہ کبھی استعمال نہیں کیا،راﺅ انوار کو فرار میں مدد دینے کے الزامات پر ملک ریاض بھی کھل کربول پڑے ، تفصیلات کے مطابق معروف شخصیت اور بحریہ ٹاﺅن کے چیئرمین ملک ریاض نے راﺅ انوار کے فرار کے لئے ان کا طیارہ استعمال کئے جانے سے متعلق خبروں کی تردید کردی ہے
انہوں نے ایک بیان میں نقیب اللہ کے قتل پر انتہائی افسوس کا اظہار کرتے ہوئے کہا کہ نقیب اللہ میرے بیٹوں کی طر ح تھا اس کے قتل پر اتنا ہی دکھ ہے جتناکہ اس کے والدین کو ہوگا، انہوں نے کہا کہ راﺅ انوار نے آٹھ سال میں ان کا جہاز ایک بار بھی استعمال نہیں کیا انہوں نے بتایا کہ گزشتہ آٹھ سال سے میرے پاس دو جہاز ہیں نہ وہ کوئی غیرقانونی کام کرتے ہیں اور نہ ہی کسی غیرقانونی کام کی حمایت کرتے ہیں ، انہوں نے کہا کہ نقیب اللہ کے قتل کا فیصلہ قانون کے مطابق ہونا چاہئے جو کوئی بھی مجرم ہے اس کو سزا ملنی چاہئے ، انہوں نے اپنے بیان میں نقیب اللہ کے لواحقین سے اظہار افسوس کرتے ہوئے کہا کہ نقیب اللہ کے قتل پر بہت دکھ ہے میں نقیب اللہ کے اہل خانہ کے ساتھ ہوں۔
