اسلام آباد(مانیٹرنگ ڈیسک)ابھی تک آپ نے شادی پر ڈالر اور موبائل فون بانٹنے کی خبریں سنی تھیں لیکن ہمارے دوست ملک چین میں ایک دیہاتی نے اپنی شادی پر دلہن کو لانے کیلئے ہیلی کاپٹر کرائے پر لے لیا ،عالمی میڈیا کی رپورٹس کے مطابق اس دلہا جس کا پورا نام نہیں بتایاگیا کا تعلق چین کے صوبہ شنڈونگ کے شہر زیبو کے قریب ایک دیہات سے ہے، اس نے اپنی دلہن کو لانے کیلئے شمالی شنڈونگ میں
بن جو تک قریباً ایک گھنٹے تک پرواز کی ،اس کے بعد نوبیاہتا جوڑا قریبی شادی گھر چلا گیا ، دلہا کو پرواز کیلئے ہوابازی کے حکام سے کلیئرنس لینی پڑی جو کہ چین میں وقت کے ضیاع والا اور پیچیدہ عمل ہے ۔ اطلاع کے مطابق اس دیہاتی نے کرائے کے ہیلی کاپٹر کے حصول پر 100000یوآن خرچ کئے۔یہ خبر سوشل میڈیا پر تیزی سے وائرل ہو رہی ہے اور صارفین کی جانب سے ملا جلا ردعمل سامنے آرہا ہے
