لاہور ( این این آئی)تاجر راہنما و سابق وائس چیئرمین لاہور ٹائون شپ انڈسٹریز ایسوسی ایشن میاں خرم الیاس نے فیڈرل بورڈ آف ریونیو کی جانب سے صنعتوں میں استعمال ہونے والے خام مال پر ریگولیٹری ڈیوٹی ختم کرنے کے اعلان کو خوش آئند قرار دیتے ہوئے کہا ہے کہصنعتوں میں استعمال ہونے والے خام مال پرریگولیٹری سے پیدواری اشیاء کی قیمت میںاضافہ ہوا

اور اس ڈیوٹی کے نفاذ سے صنعتی شعبہ متاثر ہورہا تھا ۔ان خیالات کا اظہار انہوںنے صنعتکاروں کے وفد سے گفتگو کرتے ہوئے کیا۔ میاں خرم الیاس نے کہا کہ اشیاء کی قیمتوں میں اضافہ سے برآمدات کمی کا شکارتھیں اور تجارتی خسارہ بڑھ رہا ہے ۔انہوںنے کہا کہ ایس آر او1035کے ذریعے 731اشیاء پرریگولیٹری ڈیوٹی سے خام مال مہنگا ہونے سےپیداواری لاگت میں اضافہ سے اشیاء کی قیمتیں بڑھیں ضروری خام مال پرریگولیٹری ڈیوٹی کے

نفاذسے مقامی صنعت متاثر ہوئی کیونکہ یہ خام مال انڈسٹریز استعمال کرتی ہیں اگر خام مال مہنگا ہوگا تو یقینی طور پر پیدواری لاگت بڑھے گی۔اس لیے خام مال پر ریگولیٹری ڈیوٹی کے خاتمہ کا نوٹیفیکشن جاری کیا جائے تاکہ صنعتی شعبہ کو ریلیف مل سکے۔