اسلام آباد(مانیٹرنگ ڈیسک)آج کل ہر دوسرا مرد اور خاتون گھریلو ناچاقی اورمیاں بیوی کی لڑائی کی شکایت کرتا نظر آتا ہے۔ اگر آپ بھی اپنی شادی شدہ ازدواجی زندگی کوخوشگوار بنانا چاہتے ہیں تو ان باتوں پر عمل کریں۔ اپنی روز مرہ زندگی میں اپنے شریک حیات سے محبت کا عملی اظہار کریں، بڑے بڑے دعوئوں کے بجائے چھوٹی اور معمولی ضروریات کو پورا کرنے کیلئے توجہ دیں نہ کہ ان سے صرف نظر کریں، آپ کی ایک مسکراہٹ تلخ ماحول کو بھی شیریں بنا سکتی ہے۔ پین سٹیٹ کالج آف ہیلتھ اینڈ ہیومن ڈویلپمنٹ کے
تحقیق کاروں کا کہنا ہے کہ محبت کے بڑے بڑے دعوے کرنے والے جب عملی زندگی کی چھوٹی چھوٹی باتوں میں اپنے عمل سے محبت کا اظہار نہیں کرپاتے تو ان کے دعوؤں کا الٹا اثر ہوتا ہے۔ ایسے لوگ شریک حیات کو مایوس اور بیزار کرنے کا سبب بنتے ہیں۔ شریک حیات سے پیار کے اظہار کے لئے جن طریقوں کو بہترین قرار دیا گیا ہےان میں اچھی اور خوشگوار گفتگو، رومانوی اظہار، رحمدلی، شفقت کا اظہار ، بچوں سے پیار کرنا شامل ہیں۔ یہ چند ایسی چیزیں ہیں جو آپ کی ازدواجی زندگی کو ہر گزرتےدن کے ساتھ خوشگوار بنا دیتی ہیں۔
