بیجنگ (مانیٹرنگ ڈیسک) چین کی وزارتِ خارجہ کے ترجمان ہواچھوناینگ نے پریس کانفرنس میں کہا کہ چین۔پاکستان ا قتصادی راہداری اقتصادی تعاون کی تجویزہے جو تیسرے فریق کیخلاف نہیں ہے ا ور اسکاعلاقائی حاکمیت کے تنازعہ کے ساتھ کو ئی تعلق نہیں ہے.حال ہی میں روس میں تعینات بھار تی سفیرنے کہاکہ چین ا ور بھارت کو بیلٹ اینڈ روڈ منصوبے کے بار ے میں باہمی مفاہمت اور اس مسئلے سے متعلق تنازعات کے بارے میں اتفاقِ رائے کرناچاہیے۔اس بار ے میں ایک صحافی کے سوال کا جواب دیتے ہوئے ہوا چھون اینگ نے کہا کہ چین کی کمیونسٹ پارٹی نے بیلٹ و روڈ کی تعمیر کو
پارٹی کے منشور میں شامل کیا ہے۔اس سے ظاہرہوتاہے کہ چینی قیادت بیلٹ و روڈمنصوبے کو بڑی اہمیت دیتی ہے۔چین اس معاملے میں بھارت کی سوچ اورتحفظات کوسمجھتاہے۔چین۔پاکستان ا قتصادی راہداری اقتصادی تعاون کی تجویز ہے جو تیسرے فریق کیخلا ف نہیں ہے ہے اوراسکا علاقائی حاکمیت کے تنازعات کے ساتھ کوئی تعلق نہیں ہے.چینی ترجمان نے مزید کہا کہ دی بیلٹ انڈ روڈ منصوبہ کھلے پن اور شراکت دار پر مبنی تعاون کا ڈھانچہ ہے۔چین کوامیدہے کہ ا س منصوبے کوسمجھنے اور تسلیم کرنیوالے ممالک کیساتھ ملکرتعاون کیاجائیگا اور مشترکہ ترقی و خوشحالی کو پایہ تکمیل تک پہنچا یا جائیگا۔
