اسلام آباد(مانیٹرنگ ڈیسک)با کمال لوگ لاجواب سروس، پی آئی اے کا ایک اور کارنامہ منظر عام پر آگیا، اسلام آباد سے دبئی جانے والی پرواز پی کے 233کے باتھ روم کا دروازہ ہی غائب، بدبو سے مسافروں کو برا حال، احتجاج پر ائیرہوسٹس صبر کا درس دیتی رہی، ائیرہوسٹسز اور مسافروں کی آمدورفت کے باعث مسافر دروازے کے سامنے چادریں ٹانگ کر باتھ روم میں جاتے رہے۔ تفصیلات کے سوشل میڈیا پر ایک ویڈیو تیزی سے وائرل ہو رہی ہے جو پی آئی اے کی اسلام آباد سے دبئی جانے

والی پرواز پی کے 233کی ہے جس میں دیکھا جا سکتا ہے کہ جہاز کے باتھ روم کا دروازہ غائب ہے اور باتھ روم اوپن ہونے کی وجہ سے سارے جہاز میں بدبو پھیلی ہوئی ہے اور مسافروں کا بھی برا حال ہے۔ ایک موقع پر جب مسافر وں نے اس پر احتجاج کیا تو ائیر ہوسٹس نے انہیں صبر کی تلقین کی۔ یہ بھی انکشاف ہوا ہے کہ دوران پرواز باتھ روم کے سامنے ائیرہوسٹسز اور دیگر مسافروں کی آمدورفت کے باعث مسافر دروازے پر چادریں ٹانگ کر رفع حاجت کیلئے باتھ روم جاتے رہے ہیں۔

موضوعات:پی آئی اے پی کے 233 ٹوائلٹ ڈور