نیویارک(نیو ز ڈیسک )سب سے چوڑی زبان کے مالک باپ ،بیٹی گینز ریکارڈ ب±ک میں شامل ہوگئے ہیں۔دراز زبان والوں کے بارے میں آپ نے اکثر س±نا ہو گا اور دیکھا بھی ہو گا لیکن ہم آپکی ملاقات اب ایسی باپ بیٹی سے کراتے ہیں جوسب سے چوڑی زبان کے مالک ہیں۔ امریکا سے تعلق رکھنے والے 47سالہ بیرن شلینکراور ان کی 14سالہ بیٹی ایمیلی کو دنیا میں سب سے چوڑی زبان رکھنے کی منفرد خاصیت کے بدولت گینز بک آف ورلڈ ریکارڈ میں شامل کرلیا گیا ہے۔بیرن شلینکر کی زبان 8.6سینٹی میٹر چوڑی ہے جو مردوں میں سب سے زیادہ چوڑی زبان رکھنے والے شخص ہیں جبکہ خواتین میں 7.3سینٹی میٹر چوڑی زبان کے ساتھ ایمیلی یہ عالمی اعزاز حاصل کر چکی ہیں۔ نیو یارک کے رہائشی یہ باپ بیٹی اپنی اس انوکھی خداداد خصوصیت کی بِنا پر ہمیشہ لوگوں کی توجہ کا مرکز بنے رہتے ہیں تاہم ان کی فیملی کے دیگر افراد جن میں ایمیلی کی والدہ اور بہنیں شامل ہیں، نارمل زبان کے مالک ہیں۔