اسلام آباد(نیوزڈیسک)پاکستان کیخلاف ہرزہ سرائی پر شدید ردعمل، عظیم باکسر محمد علی کی اہلیہ ٹرمپ پر برس پڑیں، تفصیلات کے مطابق عظیم باکسر محمد علی کلے کی اہلیہ کلیلہ کماچوعلی پہلی بار پاکستان کے دورے پر اسلام آباد پہنچ گئی ہیں، اسلام آباد پہنچنے کے بعد میڈیا سے گفتگو کرتے ہوئے کلیلہ کماچو نے پاکستان کے بارے میں امریکی صدر ڈونلڈ ٹرمپ کے الزامات پر شدیدردعمل کا اظہارکرتے ہوئے ٹرمپ کے
بیانات کی مذمت کی ہے انہوں نے کہا کہ میرے شوہر اور بیٹی متعدد بار پاکستان کادورہ کرچکے ہیں مگر یہ پہلی بار ہے کہ وہ پاکستان آئی ہیں، انہوں نے کہا کہ اپنے شوہر اور بیٹی کی طرح میں بھی پاکستان کو بہت پسند کرتی ہوں اوراب پاکستان آنا جانا لگا رہے گا انہوں نے کہا کہ میں ذاتی طورپر ڈونلڈ ٹرمپ کے پاکستان مخالف رویئے کی مذمت کرتی ہوں ہمیں ایک دوسرے کے ساتھ پیار سے رہنا چاہئے یہی واحد ذریعہ ہے جس سے دنیامیں امن قائم ہوگا۔
