اسلام آباد(مانیٹرنگ ڈیسک)بھارتی ریاست کیرالہ کے وزیراعلیٰ پینا رائے ویجایان کی صرف ایک درخواست، شارجہ کے امیر ڈاکٹر شیخ سلطان بن محمد القاسمی نے مالی مقدمات میں قید کی سزا پانے والے بھارتی شہریوں کی رہائی کا حکم دیدیا، مزید فیاضی کا مظاہرہ کرتے ہوئے بھارتی شہریوں کو شارجہ میں ملازمت جاری رکھنے کی اجازت بھی دیدی۔ تفصیلات کے مطابق
بھارتی ریاست کیرالہ کے وزیراعلیٰ پینا رائے ویجایان کی صرف ایک درخواست پرمتحدہ عرب امارات کی ریاست شارجہ کے امیر ڈاکٹر شیخ سلطان بن محمد القاسمی نے مالی مقدمات میں قید کی سزا پانے والے بھارتی شہریوں کی رہائی کا حکم دیدیاجبکہ امیر شارجہ کی مزید فیاضی کے تحت اعلان کے مطابق یہ بھارتی شہری شارجہ میں ملازمت بھی جاری رکھ سکتے ہیں۔ عرب اخبار خلیج ٹائمز کی ایک رپورٹ کے مطابق کیرالہ کے وزیراعلیٰ نے شارجہ کے امیر کا اس اعلان پر شکریہ اداکرتے ہوئے فیس بک پر اپنے اکائونٹ پر لکھا ہے کہ ’’یہ بے حد فیاضانہ اقدام ہے اور کیرالہ کے لوگ دل کی گہرائی سے اس کی تحسین کرتے ہیں‘‘۔ امیر شارجہ کی جانب سے بھارتی شہریوں کیلئے کیا جانے والا یہ اعلان یونیورسٹی آف کالی کٹ کی جانب سے انہیں کلچرل ریلیشنز اینڈایجوکیشن کے مضمون میں اعزازی ڈاکٹریٹ کی ڈگری پیش کئے جانے کے موقع پر سامنے آیا۔ اس موقع پر ایک تقریب ریاست کیرالہ کے گورنر کی سرکاری رہائش گاہ پر ایک تقریب میں منعقد کی گئی جس سے خطاب کرتے ہوئے امیر شارجہ کا کہنا تھا کہ کیرالہ اور شارجہ کے درمیان تعلقات تاریخی نوعیت کے ہیں۔ اعزازی ڈگری پر امیر شارجہ کی جانب سے بھارتی ریاست کیرالہ کا شکریہ بھی ادا کیا گیا ہے۔
