بنگلورو(مانیٹرنگ ڈیسک) بھارتی وزیر داخلہ نے ایک بار پھر پاکستان پر الزام عائد کرتے ہوئے کہا ہے کہ پاک فوج ایل او سی پر سیز فائر کی خلاف ورزیا ں کر رہی ہے ، پاکستانی فوجیوں کی فائرنگ میں اب تک بھارت کے سیکڑوں عام شہری ہلاک و زخمی ہو چکے ہیں، بھارتی فورسز پاکستان کی جانب سے بلاسبب کی جانے والی فائرنگ کا جواب دیں۔ پیر کو بھارتی وزیر داخلہ راجناتھ سنگھ نے بھارتی ریاست کرناٹک کے دارالحکومت بنگلورو میں
ایک بیان میں ایک بار پھر پاکستان پر الزام عائد کیا کہ وہ کشمیر کی کنٹرول لائن پر فائر بندی کی خلاف ورزی کر رہا ہے۔انھوں نے کہا کہ پاکستانی فوجیوں کی فائرنگ میں اب تک ہندوستان کے سیکڑوں عام شہری ہلاک و زخمی ہو چکے ہیں۔دو ہزار تین میں کشمیر کی کنٹرول لائن پر فائر بندی کے بارے میں طے پانے والے سمجھوتے کے باوجود ہندوستان اور پاکستان، ایک دوسرے پر فائربندی کی خلاف ورزی کرنے کا الزام عائد کرتے رہے ہیں۔
