اسلام آباد (مانیٹرنگ ڈیسک) لندن میوزیم کے قریب ایک اور حملہ، تفصیلات کے مطابق برطانوی میڈیا کا کہنا ہے کہ لندن میں واقع میوزیم کے باہر ایک اور حملہ کیا گیا ہے، میوزیم کے قریب فٹ پاتھ پر لوگوں کی آمد و رفت جاری تھی کہ ایک کار سوار حملہ آور نے گاڑی فٹ پاتھ پر چلتے لوگوں پر چڑھا دی اس وجہ سے بہت سے افراد زخمی ہو گئے ہیں، پولیس نے فوری کارروائی کرتے ہوئے علاقے کو گھیرے میں لینے کے بعد حملہ آور
کو بھی گرفتار کر لیا ہے، اس کے علاوہ امدادی کارروائی کے ساتھ ساتھ پولیس نے سرچ آپریشن بھی شروع کر دیا ہے۔ میڈیا ذرائع کا کہناہے کہ ان زخمیوں میں سے بعض کی حالت بہت تشویشناک ہے اور زخمیوں کے ہلاک ہونے کا خدشہ ظاہر کیا جا رہا ہے، کار کے نیچے آ کر زخمی ہونے والے لوگوں کو قریب ترین ہسپتال میں فوری طبی امداد کے لیے لے جایا جا رہاہے مگر ان زخمیوں میں بہت سے افراد کی حالت تشویشناک بتائی جاتی ہے۔
