واشنگٹن (آئی این پی) امریکی وزیر دفاع جیمز مٹیس کا کہنا ہے کہ امریکہ دہشتگردی کے معاملے پر پاکستان کے ساتھ کام کرنے کی ایک اور کوشش کرے گا۔بدھ کو امریکی وزیر دفاع کا اہم بیان سامنے آگیا۔ جیمز مٹیس نے کہا ہے کہ امریکا دہشتگردی کے معاملے پر پاکستان کے ساتھ کام کرنے کی ایک اور کوشش کرے گا۔
اگر یہ آخری کوشش ناکام ہوگئی تو صدر ٹرمپ کوئی فیصلہ کریں گے۔ سینیٹ کی دفاعی کمیٹی میں بیان دیتے ہوئے امریکی وزیر دفاع نے کہا کہ میں جلد پاکستان کا دورہ کروں گا۔ ہم پاکستان کے ساتھ کام کرنے کی کوشش جاری رکھیں گے۔
