اسلام آباد(مانیٹرنگ ڈیسک)نجی ٹی وی چینل کی رپورٹ کے مطابق وزیر اعلیٰ پنجاب میاں شہباز شریف نے مسلم لیگ ن کی جنرل کونسل کے اجلاس میں خطاب کرتے ہوئے سابق وزیر اعظم میاں محمد نواز شریف کو اہم مشورہ دے ڈالا ۔تفصیلات کے مطابق شہباز شریف نے اپنے خطاب میں کہا کہ ” پارٹی مشاورت کریں اور پھر

اس پر فیصلے کریں “، ان کا یہ کہنا تھا کہ چند لوگوں نے کچھ لوگوں نے گاڑی ا ور وزارت کیلئے غلط مشورے دیئے.انہوں نے اپنے خطاب میں شعر بھی پڑھے “ﮐبھی مایوس مت ہونا،سویرا ہو کے رہتاہے ۔سفینے ڈوبتے بھی ہیں سفر لیکن نہیں رکتا،امیدوں کے سمندر میں تلاطم آتے رہتے ہیں”۔قبل ازیں اسلام آباد میں مسلم لیگ(ن)کی مرکزی جنرل کونسل کا اجلاس ہوا۔اس موقع پرخواجہ سعد فیق نے کہا کہ دورآمریت کی تجاویز کو ہٹانے کیلئے صدر پاکستان نے الیکشن بل میں ترمیم کیلئے دستخط کردئیے۔احسن اقبال کا کہنا تھا کہ پارٹی آئین میں ترمیم کا مقصد کسی ایک شخص کیلئے نہیں،اس کا مقصد سیاسی پارٹیوں کوان کی قیادت سے متعلق حق دینا ہے۔انھوں نے کہا ایسا قانون بنانا ہمارا حق ہے۔آج ہم مشرف کے کالے قانون کا پاکستانی قانون سے باہرکررہے ہیں۔راجہ ظفرالحق نے کہا کہ مسلم لیگ ن کی جنرل کونسل نے پارٹی آئین میں ترمیم کی توثیق کردی۔ مخالفین جانتے ہیں کہ نوازشریف کے آنے سے ان کی سیاست کو خطرہ ہے۔انھوں نے کہا کہ نوازشریف خوش قسمت ہیں کہ انہیں مخلص ساتھی ملے ہیں۔نوازشریف ملک کےاندرہوں یاباہرچاہنے والوں کاخلوص کم نہیں ہوا۔صدرمملکت نے انتخابی اصلاحات میں ترمیم کے بل پردستخط کردئیے ہیں۔