اسلام آباد (مانیٹرنگ ڈیسک) بھارتی جنتا پارٹی کے رہنما کی پاکستان کو چار ٹکڑوں میں تقسیم کرنے کی دھمکی، تفصیلات کے مطابق بھارت کی بی جے پی کے رہنما نے 2018 ء تک پاکستان کو چار ٹکڑوں میں تقسیم کرنے کی دھمکی دے دی ہے۔ بھارتی جنتا پارٹی کے رہنما اور بھارتی پارلیمنٹیرین سبرامنین سوامی نے پاکستان کے خلاف ہرزہ سرائی کرتے ہوئے کہا کہ بھارت کو رونے کی ہرگز ضرورت نہیں ہے اب وقت آ چکا ہے کہ ہم پاکستان کو سبق سکھائیں۔ بی جے پی

کے رہنما نے کہا کہ پہلے ہم نے پاکستان کے دو ٹکڑے کیے تھے اب ہم پاکستان کے چار ٹکڑے کریں گے۔ 2018ء کے مارچ یا اپریل تک بھارت کی فوج پاکستان میں کارروائی کرنے کے لیے تیار ہو جائے گی۔ بی جے پی کے رہنما نے کہا کہ اس کے بعد پاکستان میں ہماری فوج جا کر تمام مسائل حل کر دے گی۔ بی جے پی کے رہنما کی سوشل میڈیا پر ویڈیو سامنے آنے پر صارفین نے اپنی مختلف رائے کا اظہار کیا جس میں سے اکثریت نے کہا کہ بھارت کی یہ گیدڑ بھبھکی ہے۔