نئی دہلی (نیوزڈیسک) بالی وڈ اداکارہ اور آئی پی ایل میں شامل ٹیم کنگز الیون پنجاب کی مالکن پریتی  زنٹا نے کنگز الیون پنجاب کی فروخت کی تردید کردیٹا کا کہنا ہے کہ ان کی ٹیم اچھا بزنس کررہی ہے، اس لئے اسے فروخت کرنے کا سوال ہی نہیں پیدا ہوتا ہے۔ کنگز الیون پنجاب ایونٹ کے افتتاحی ٹورنامنٹ میں سیمی فائنل تک پہنچنے کے بعد سے اوسط درجے کا کھیل پیش کررہی تھی۔ گزشتہ برس ٹیم ایک بار پھر ابھر کے سامنے آئی تھی اور فائنل تک پہنچی جس کے بعد سے ٹیم کے سپانسرز میں بھی اضافہ دیکھنے کو ملا ہے۔
اس بارے میں پریتی نے کہا ہے کہ ہار جیت کھیل کا حصہ ہوتی ہے۔ مجھے فخر ہے کہ ہماری ٹیم فائنل تک پہنچی اور میرے حساب سے ٹیم نے افتتاحی سیزن کے بعد گزشتہ برس ہی ٹورنامنٹ کی تاریخ کی بہترین پرفارمنس دی ہے جس کی وجہ سے مجھے امید ہے کہ ہم رواں سیزن میں بھی اچھا کھیل پیش کریں گے۔
اس موقع پر پریتی نے کنڈوم کی سپانسرڈ وردی پہننے کے معاملے پر کہا کہ کھلاڑیوں کو ایسی وردی پہننے پر کوئی اعتراض نہ تھا بلکہ وہ خوش ہیں کہ انہیں نوجوان نسل میں بیداری پیدا کرنے کا موقع مل رہا ہے۔ درحقیقت وہ میڈیا میں اس حوالے سے منفی پروپیگنڈا پر حیران تھے۔ ہم سے پہلے بھی ٹیمز نے کنڈومز کے اشتہارات حاصل کئے ہیں اور اس میں کوئی ہرج نہیں۔