اسلام آباد (مانیٹرنگ ڈیسک) ماہرین آثار قدیمہ نے دربندرانیہ نامی شہر دریافت کر لیاہے، تفصیلات کے مطابق دی ٹائمز کی ایک رپورٹ میں بتایا گیا ہے کہ دربند رانیہ نامی شہر جو تقریبا 2300 سال سے دنیا کی نظروں سے اوجھل تھا، یہ شہر شمالی عراق میں دریافت کر لیا گیاہے، واضح رہے کہ یہ سکندر اعظم کے زمانے شہر ہے۔ دربند رانیہ 331 قبل مسیح میں سکندر اعظم کی وفات کے بعد تاریخی واقعات کا مرکز رہا مگر اس کے بعد اس کا کچھ پتہ نہ چل سکا کہ یہ شہر کہاں گم ہو گیا ہے۔ ان تاریخی وجوہات کو بنیاد بناتے ہوئے برٹش میوزیم کے

ماہرین نے اس شہر کو تلاش کرنے کے لیے ایک پراجیکٹ کا آغاز عراق میں کیا اور وہ اس میں کامیاب رہے۔ اس شہر کو تلاش کرنے کے لیے 1960ء کے جاسوس سیٹلائیٹ کی خفیہ تصاویر کا سہارا لیا گیا اسی دوران ماہرین نے ایک مقام قلاطبہ دربند میں کچھ غیر معمولی چیزیں دیکھیں، وہاں پر موجود چونے کے پتھروں کے شکستہ بلاک سب سے بڑا پہلا سراغ تھے، یہ بلاک اس چیز کو ظاہر کرتے تھے کہ یہاں کچھ نہ کچھ دفن ہو سکتا ہے۔ اس کے بعد یہاں ڈرون کے ذریعے بھی تصاویر لی گئیں، اس طرح اس گمشدہ شہر کو تلاش کر لیا گیا ہے۔