اسلام آباد (مانیٹرنگ ڈیسک) یورپ اور امریکہ میں براستہ جہاز سفر کرنے والے مسافروں کے لئے پریشانی، اچانک سسٹم بیٹھ گیا۔ تفصیلات کے مطابق یورپ اور امریکہ کے اہم ترین ایئرپورٹس پر کمپیوٹر سسٹم میں اچانک خرابی سے فضائی شیڈول متاثر ہونے سے ہزاروں مسافر پریشان، کمپیوٹر سسٹم میں خرابی کس وجہ سے ہوئی اس کیلئے تحقیقات کی جارہی ہیں۔
واضح رہے کہ اس صورتحال کا سامنا آسٹریلیا میں میلبورن ،امریکی ریاستوں واشنگٹن، نیویارک اور برطانوی شہر لندن، جوہانسبرگ اور فرانس کے دارالحکومت پیرس کے ایئرپورٹ پر موجود مسافروں کو کرنا پڑا۔ کمپیوٹر ماہرین اس خرابی تک پہنچنے کی کوشش میں لگے ہوئے ہیں اور توقع کی جا رہی ہے کہ اس صورتحال پر جلد کنٹرول حاصل کر لیا جائے گا۔
