لاہور (نیوز ڈیسک)موجودہ حکومت نے بھی پیپلزپارٹی کی حکومت کے نقش قدم پرچلتے ہوئے سرکاری محکموں میں سیاسی بنیادوں پربھرتیوں کا سلسلہ شروع کردیا۔نیشنل ٹرانسمیشن اینڈ ڈسپیچ کمپنی کا بورڈآف ڈائریکٹرز وزارت پانی وبجلی کی جانب سے گریڈ1 تا5 کے لیے 200 سے زائد اسامیاں نیشنل ٹیسٹنگ سروس کے بجائے براہ راست بھرتی کرنے کے عمل پرشدید تحفظات ظاہر کرتے ہوئے اس میں رکاوٹ بن گیا۔ وزارت پانی وبجلی کی جانب سے این ٹی ڈی سی کے بورڈ آف ڈائریکٹرز کولکھے گئے خط سے معلوم ہواہے کہ وزارت پانی وبجلی گریڈ ایک تا5 کے لیے 200 سے زائد اسامیوں پر براہ راست بھرتی کی خواہاں ہے تاہم خط موصول ہونے کے بعد این ٹی ڈی سی کے بورڈ آف ڈائریکٹرز کا اجلاس منعقد ہوا جس میں اس کا تفصیلی جائزہ لیا گیا۔ خط میں کہا گیا تھاکہ ان اسامیوں پرنیشنل ٹیسٹنگ سروس (این ٹی ایس) کے بجائے براہ راست بھرتی کی جائے جس پر بی او ڈی نے شدید تحفظات ظاہر کرتے ہوئے اس طرح بھرتی کے عمل کو سابقہ حکومتوں کی طرح اپنے لوگوں کو نوازنے کا طریقہ قراردیا۔بی او ڈی کے اجلاس میں اتفاق رائے سے تمام ممبران نے کہا ہے کہ اس طرح کی بھرتیاں قطعاً غیرقانونی ہوں گی۔ بھرتیوں کو شفاف بنانے کے لیے دیگر سرکاری محکموں کی طرح این ٹی ایس کے سسٹم سے گزرا جائے تاکہ ان بھرتیوں کی شفافیت پرانگلی نہ اٹھائی جاسکے اور درخواست دینے والوں میں سے باصلاحیت اور حقدار منتخب ہو سکیں۔ ایک اورذریعے نے بتایاکہ وزارت پانی وبجلی کی جانب سے مختلف ڈسٹری بیوشن کمپنیوں میں بھی ان گریڈز کی اسامیوں پر بھرتیوں کے لیے کسی طریق کارکو اپنانے کے بجائے براہ راست سیاسی بنیادوں پربھرتیوں کے لیے دباؤ ہے۔
وزارت پانی وبجلی کا گریڈ 5 تک براہ راست بھرتیوں کا منصوبہ
آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں
-
بوسنیا میں چار دن
-
حکومت نے پیٹرول اور ڈیزل کی نئی قیمتوں کا اعلان کردیا
-
پی ایس او نے ایل پی جی کی فی کلو قیمت مقرر کردی
-
سونے کی فی تولہ قیمت میں آج بھی بڑی کمی
-
زہریلی کھیر کھانے سے خاندان کے 5 افراد کی ہلاکت کا ڈراپ سین، بیٹی سمیت 4 ملزم گرفتار
-
سونے کی قیمت میں مسلسل کمی، 14 ماہ کی کم ترین سطح پر پہنچ گئی
-
غیر ملکیوں کا ڈیٹا لیک کرنے کے ملزم نے گلا کاٹ لیا
-
سوشل میڈیا انفلوئنسر سے زبردستی شادی کیلیے گھر آنے والا مداح اہلخانہ کے تشدد سے ہلاک
-
دلہن کی سرکاری نوکری کا بھانڈا پھوٹنے پر دولہا نے شادی توڑ دی
-
نئی آٹو پالیسی سے 660 سی سی گاڑیاں سستی ہونے کی توقع، کار ڈیلرز ایسوسی ایشن کے چیئرمین کا بیان
-
ایشیائی چیمپئن بننے کے تین بعد باڈی بلڈر سجاد کی موت نے سب کو حیران کردیا
-
نوڈلز کھانے سے 2 کمسن بہنیں جاں بحق، ایک کی حالت تشویشناک
-
بجلی چوروں کی فہرستیں تیار،جائیدادوں کی نیلامی اور شناختی کارڈ منسوخ کرنے کا اعلان
-
پاکستان سمیت 15 ممالک کا برطانیہ، آسٹریلیا کے اسرائیل پر پابندیاں لگانے کے فیصلے کا خیرمقدم



















































