کراچی(نیوزڈیسک)امیر جماعت اسلامی سراج الحق کا کہنا ہے کہ گولیاں اور لاٹھیاں برسانیوالے گھبراہٹ کا شکار ہیں۔ معروف ٹی وی ایکسپریس نیوز سے بات کرتے ہوئے سراج الحق کا کہنا تھا کہ کہ الیکشن جیتنے کے لئے لڑا جاتا ہے، کراچی سے قومی اسمبلی کے حلقے این اے 246 میں جماعت اسلامی کے کارکنوں اور ووٹرز کی بڑی تعداد موجود ہے، ہم کسی کے لئے گراؤنڈ خالی نہیں چھوڑ سکتے۔ ان کا کہنا تھا کہ گولیاں اور لاٹھیاں برسانے والے بوکھلاہٹ کا شکار ہیں لیکن ہم ان کا ڈٹ کر مقابلہ کریں گے، مائیں اور بہنیں بھی جماعت اسلامی کو سپورٹ کریں گی۔امیر جماعت اسلامی نے کہا کہ کراچی کی عوام تبدیلی چاہتی ہے اور ہم ووٹ کے ذریعے سے تبدیلی لانا چاہتے ہیں، شفاف الیکشن کرانا الیکش کمیشن کی ذمہ داری ہے۔